【嬰幼兒料理】香蕉蛋餅

【寶寶香蕉蛋餅-10M】
之前網上見到教用1隻香蕉加2隻雞蛋(今次我只用蛋黃),
就可以整到香蕉pancake,成日都想試試系咪真係成功,
今日終於試咗,整俾允允做下午茶小食,原來甜甜地好好味,
睇下允允個為食樣就知道好好味哈哈......
材料:
香蕉1隻
蛋黃2隻
做法:
1.先把香蕉壓成蓉
2.將蛋黃拌入香蕉蓉
3.平底鍋用廚房紙抹薄薄一層油,
把混合材料細火煎熟
*食譜參考於網上做法,原食譜用全蛋,我今次是用蛋黃
*用熟到出梅花斑點的香蕉比較好食,香味更濃而且很夠甜
*這個食譜可以煎到十多塊,因為有2隻蛋黃的份量,所以我只給寶寶食了大概7塊
 

【嬰幼兒料理】菠菜三文魚蒸蛋

【寶寶菠菜三文魚蒸蛋-10M】
允允B由上星期開始發燒流鼻水,病了好幾日胃口好差,
現在已經好返好多啦........媽媽都放心曬!
剛剛病完就讓他食得清淡點,簡單蒸個滑滑水蛋再加一個雜菜薯蓉,允允好棒場,全部清光光!
今天這個蒸蛋只用了1個蛋黃加同比例的水,再配點三文魚和菠菜,蒸5分鐘就已經很滑很香~
材料:
蛋黃一隻
熟水/配方奶(與蛋黃的比例1:1。假設蛋黃重20g,水亦是20g)
三文魚隨意
Baby spinach隨意
做法:
1.三文魚及菠菜切細粒
2.蛋黃打散,加入水及其他材料拌勻
3.放入滾水內蒸5分鐘
*可以用配方奶代替水蒸,份量一樣
*三文魚及Baby spinach都是比較容易熟的食材,可以不需要預先煮熟,
直接切粒一起蒸

【嬰幼兒料理】有機滑滑芝士薯蓉

【有機滑滑芝士薯蓉-10M】
10個月大的允允終於第一次品嘗到芝士,
媽媽我都超愛食芝士,一邊餵允允,一邊偷食哈哈....
個薯蓉好滑,芝士好香.....yummyyummy!
材料:
澳洲薯仔2小個
西蘭花隨意
紫洋蔥1/4個
BB芝士隨意
做法:
1.薯仔、西蘭花、紫洋蔥先蒸熟
2.將已蒸熟的材料打成蓉
3.加上芝士放入焗爐100度焗10分鐘

【嬰幼兒料理】手打雞肉丸

                      
【寶寶手打雞肉丸-10M】
今日變變新意思~為允允B整手打雞肉丸....
簡單3種材料(雞肉,紫洋蔥,蘑菇)+零調味,味道都不錯哦~
自從開始準備允允的副食,紫洋蔥一定是我家的常客....
無論配肉類,魚類或者蔬菜類都好夾,
而且煮熟後紫洋蔥甜甜的,
配魚一齊食還可以起到僻腥作用,
有時候怕用薑對BB刺激的話,紫洋蔥都是一個很好的選擇呢~
材料:
雞柳肉半條
紫洋蔥適量
蘑菇1粒
做法:
1.紫洋蔥及蘑菇切幼粒備用
2.雞柳肉剁直起膠,再拌入紫洋蔥及蘑菇
3.把已混合的雞蓉搓成小圓粒,放入已滾起的水煮6分鐘
*要雞肉丸不散開,一定要剁到起膠

【嬰幼兒料理】慢焗有機三文魚

【寶寶慢焗有機三文魚-10M+】
平時整三文魚給允允B食,通常都是蒸或者加落粥仔一齊煲~
今次嘗試用100°慢焗三文魚,原來比起用明火蒸魚肉更嫩滑多汁....加埋底層墊底的南瓜,拌粥仔一起食,允允B超愛!
不過始終是BB食用,所以都焗了大概30分鐘,確保魚肉都熟透。

【嬰幼兒料理】有機紫椰菜粥仔

【有機紫椰菜粥仔-10M】
允允B晚餐時間又到啦!見到呢個咁浪漫的顏色有無吸引到你呢?淡淡的粉紫色真係好靚好靚啊!連我見到都覺得好想食,哈哈!

今日煲咗個紫椰菜、薯仔、紅蘿蔔、粟米、西施骨湯,再用湯底來煲允允的粥仔,粥仔吸收曬湯的精華,不單止顏色靚,而且紫椰菜營養價值比起一般椰菜高很多,仲好好味添!難怪允允食完一碗又一碗!

湯底材料(3人份):
紫椰菜……半個
薯仔……兩個
紅蘿蔔……一條
粟米……一條
西施骨……30元
無花果/蜜棗……兩粒

細火煲2至3小時便可,但紫椰菜不需要煲太耐,建議最後30分鐘才放入去煲,湯頭清甜好飲,煲好的湯一部分用來給BB煲粥仔,剩下來的湯就大人飲。

【嬰幼兒料理】三文魚南瓜粥仔

來到11個多月的允允B,食物開始不用再切得那麼細小了,媽媽也可以省一點功夫哈哈....
南瓜跟三文魚是很好的配搭,味道很夾...平時食一碗半粥仔的允允,每次食這款粥仔都可以食到2碗半呢,
看來他真的很愛!
媽媽最近的新寵兒絕對是Philips新推出的快思邏輯迷你電飯煲(電鍋),上一篇的寶寶電飯煲版Risotto也是用它~這次試煲粥仔....都一樣又綿又香,不錯不錯!

【靚太下午茶】人氣爆燈芝士撻!

媽媽是日下午茶真的夠豐富了!有綠茶半熟芝士撻,原味芝士撻還有半熟芝士蛋糕~
一次滿足曬3個願望!
一直都是抹茶迷的媽媽,很愛這個綠茶口味的芝士撻呢~綠茶味夠濃,芝士味夠香,兩者絕對是個好配搭!
配我最愛的草莓花茶,,,,一啖芝士撻...一口果茶,實在是滿足啊!!

【嬰幼兒料理】南瓜布丁塔

【寶寶南瓜布丁塔-10M+】
甜品時間來咯~~~~
媽媽我是超級甜品蛋糕控,常常甜品當正餐食,
不過都唔會自私食,允允B當然都有份啦~
利用簡單3種材料:南瓜,配方奶跟蛋黃,
南瓜本身口感綿密,單食已經好香甜......
用來做BB小甜點最適合不過......
材料:(1人份)
南瓜蓉25g
蛋黃1個
配方奶30ml(奶粉加水)
做法:
1.南瓜蒸熟後磨蓉(放涼備用)
2.蛋黃打散,加入配方奶輕輕拌勻
3.蛋黃液過篩後,加入南瓜蓉拌勻
4.放入已預熱焗爐160°焗20分鐘
(時間可能會因應每個焗爐的受熱度有出入,建議用牙籤插入布丁中間測試,布丁溶液沒有黏附在牙籤上就代表熟透,可以出爐了)
*關於器皿問題 ,我是用Le Creuset HK,其實選用任何可以進焗爐的都可以,但食譜的份量比較少,建議用一個小一點的器皿
*布丁塔可以熱食或放雪櫃凍食
另外推介大家一個大人吃的做法,就是把原本的配方奶改成淡忌廉,再多加1茶匙的糖,簡單的材料,但是很好吃!
媽媽我試過把它放雪櫃一個晚上,第二天才吃,整個口感不一樣......
感覺凍吃比較好吃哈哈.....

【嬰幼兒料理】寶寶版risotto-意大利飯

最近媽媽有個新寵兒-PHILIPS最新推出的迷你電飯煲,
型格新穎的外表實在太吸引啦!仲有6種烹調模式添~
準備好材料就可以開始啦~今次試試煮意大利飯給允允B,
參考隨煲附送的食譜,用米飯功能模式~
因為是給11個月大的允允食,所以媽媽我會比起參考書所指引的水份量多加點,
大概2小時之後就有靚靚BB版意大利飯啦~
允允B好給面子,第一次吃意大利飯還是一樣全部吃光光!
FB page:www.facebook.com/chiwanblog



【嬰幼兒料理】零添加星星餅

【寶寶零添加星星餅-10M+】
之前允允準備出牙仔,媽媽我都會自製一些牙仔餅讓他舒緩牙肉不適......到7.8個月大開始亦會準備一些手指食物,好讓他訓練手指仔的靈活性及手口/手眼的協調。
有時候都會買坊間一些星星餅/乳酪餅之類....不過允允每次食幾粒又唔夠喉哈哈~但自己又怕食太多會不太健康,所以還是自己試試整好了,這個媽媽愛心版偽星星餅就算食得多都不怕嘛..........
材料:
番薯60g(我用台灣有機番薯)
蛋黃1個
橄欖油10ml
做法:
1.番薯切粒,隔水蒸熟,蒸完之後倒掉碟子上多餘水份再壓成泥
2.慢慢分次加入橄欖油輕攪拌
3.蛋黃打散,分次加入番薯泥拌勻
4.把已經拌好的番薯泥放進擠花袋,擠喜歡的大小跟形狀在烤盤上
5.預先預熱焗爐(烤爐),160°焗15分鐘
*要成品擠得好看,番薯蒸過後要去掉多餘水份,而且要壓得很細滑,那就不會有番薯顆粒塞住擠花嘴,影響成品。
*因為沒有添加防腐劑,建議放涼之後放進密實瓶裡保存,2-3天就把它吃完。
*焗好後的星星餅質地是軟軟綿綿的,很容易入口。

【嬰幼兒料理】橙汁焗雞槌

【寶寶橙汁焗雞槌-11M】
平時允允B都會吃不同的肉類,不過1歲以內都要盡量避免添加調味品,但沒有醃過的肉類,在烹調過後的肉質往往都會不夠嫩滑(鞋口),所以媽媽我會用橙汁去醃肉,吃起來啖啖果香,而且肉質很嫩滑,就算沒有添加調味品也能夠讓寶寶吃得滋味~
水果一向都是天然的醃肉好方法(通常都是用帶有酸性的水果)~媽媽我平常經常會利用不同的水果去醃肉,除了增加風味,而且會令到肉質更嫩滑!
材料:
有機無激素雞槌3隻
橙1個
做法:
1.橙揸汁備用,可磨小許橙皮,會更香
2.雞槌去皮,可略為拍鬆
3.用橙汁醃雞槌最小2小時(可醃過夜,更入味架)
4.放已預熱焗爐180°焗30分鐘
(我會選擇用焗盅連橙汁加蓋焗,可以保留肉汁)


【嬰幼兒料理】有機紫蘿蔔薯蓉

【寶寶有機紫蘿蔔薯蓉-11M】
允允B是日晚餐:紫蘿蔔薯蓉配三文魚菠菜汁~
(另外還有1小杯BB乳酪做甜品,也太豐富了!)
紅蘿蔔營養價值高,是我們常用的食材...
但紫蘿蔔(purple carrot)大家又吃過沒有呢?
紫蘿蔔美麗的紫色是來自天然的花青素,
現在才知道原來紫色才是胡蘿蔔最原始的顏色
(也是超市的姐姐告訴我)
媽媽我覺得紫蘿蔔比起紅蘿蔔更好吃,
香味更濃郁,味道更清甜,大家可以給寶寶試試喔!

【嬰幼兒料理】三文魚焗蛋拼星星粉

【寶寶三文魚焗蛋拼星星粉-9M】
今日時間好急,允允B未夠鐘已經喊肚餓~極速用20分鐘幫佢洗面換片搽cream加完成佢嘅早餐
焗爐真是我最愛的一個煮食小幫手,
只要洗洗切切..簡單調味,set個時間已經可以變出好多美味食物
無油煙之餘仲洗少好多用具添
BB什麼時候可以食蛋白呢?
*一般都建議BB 1歲或以上先接觸蛋白,
因為擔心會出現敏感問題,
不過我由允允8個月左右已經有給他嘗試蛋白,
當然一開始時是非常小量,慢慢加多點多點,
幸好一直都沒有出現敏感情況,所以現在間中都會直接用全蛋。
每個BB的情況都不同,如果BB本身是敏感體質或者家人有對蛋白敏感的話,就應該避免1歲前接觸蛋白。
焗三文魚蛋拼星星粉材料:
三文魚隨意
紫洋蔥小許
雞蛋一隻
星星粉
做法:
1.將三文魚及紫洋蔥打成蓉或切幼粒
2.將魚蓉直接放進焗爐器皿中,打入一隻全蛋
3.放進已預熱的焗爐,180°焗15分鐘
4.同一時間恰定星星粉備用
*可以加不同蔬菜或配料(不要選取含水分太多的材料)
*想風味更好,可以加點BB芝士一起焗
*每個焗爐的熱力會有分別,可以因應自己的焗爐情況而加減焗的時間,
只要焗到蛋黃完全熟透就可以

【嬰幼兒料理】南瓜黑芝麻煎餅

其貌不揚嘅南瓜煎餅,
加入即磨嘅芝麻粉一齊煎,
真係又香又甜又好味
難怪允允一個人就食曬8小塊
寶寶南瓜芝麻煎餅:
材料-
韓國南瓜4份1個,
低筋麵粉(大概係南瓜份量3份1),
芝麻粉適量,
蛋黃1隻(如果bb無對蛋白敏感,可選取全蛋)
先將南瓜切粒蒸熟,用叉壓爛,再拌入其餘的材料,煎至金黃就完成。

【嬰幼兒料理】紅椒蛋卷拼西蘭花薯蓉

【寶寶紅椒蛋卷拼西蘭花薯蓉-9M】
本身打算隨意煮個雜菜貝殻粉,唔知點解突然諗到,不如煎個紅椒蛋卷,應該會幾好食
最後整多個西蘭花薯蓉,薯仔又有澱粉質...已經夠BB代一餐啦
紅椒蛋卷材料:
雞蛋一隻
紅椒4份1個
橄欖油小許
做法:
1.紅椒切粒打成蓉
2.打蓉後的紅椒會有好多水份,直接倒入易潔鍋中,慢火炒到紅椒收乾水份,裝起備用
3.易潔鍋抹上小許橄欖油(細火),倒入打勻的雞蛋,將紅椒蓉平均抹在蛋漿上
4.趁蛋漿未完全熟透,在鍋內卷成圓(其實唔會太熱,可以借座筷子直接用手慢慢卷起)
西蘭花薯蓉材料:
西蘭花隨意
薯仔一個
配方奶30ml
做法:
1.蒸熟薯仔同西蘭花
2.薯仔壓蓉,倒入配方奶拌勻,再加入已切碎的西蘭花

【嬰幼兒好物推介-副食品儲存杯 】

寶寶踏入進食副食品階段, 我相信好多媽媽都一定會準備好多有關嘅用具...... 我自己都唔例外~~~~ BB開頭食嘅分量好細,想方便通常都會整冰磚, 每餐一粒仔已經夠BB食~ 用冰磚模做成食物泥真係好方便, 不過就有個缺點,通常個蓋都唔係密封式, 相對可能會存在保...