允允B晚餐時間又到啦！見到呢個咁浪漫的顏色有無吸引到你呢？淡淡的粉紫色真係好靚好靚啊！連我見到都覺得好想食，哈哈！
今日煲咗個紫椰菜、薯仔、紅蘿蔔、粟米、西施骨湯，再用湯底來煲允允的粥仔，粥仔吸收曬湯的精華，不單止顏色靚，而且紫椰菜營養價值比起一般椰菜高很多，仲好好味添！難怪允允食完一碗又一碗！
湯底材料(3人份)：
紫椰菜……半個
薯仔……兩個
紅蘿蔔……一條
粟米……一條
西施骨……30元
無花果/蜜棗……兩粒
細火煲2至3小時便可，但紫椰菜不需要煲太耐，建議最後30分鐘才放入去煲，湯頭清甜好飲，煲好的湯一部分用來給BB煲粥仔，剩下來的湯就大人飲。
沒有留言:
張貼留言