【嬰兒產品好用分享篇-防漏學習杯】

細佬仔到咗開始要用學習杯飲水嘅階段啦~~~
同哥哥以前一樣，細佬仔第一個學習杯就係鴨嘴杯.....
有哥哥之前嘅經驗，我知道用鴨嘴杯絕對喺BB成長階段中好重要嘅一環！

其實用鴨嘴杯喺BB學習用杯飲水第一步，始終由飲媽媽奶又或用奶瓶過渡到去用杯飲水，
當中BB都需要靠練習杯去練習，一般BB到6個月大開始已經可以嘗試飲水啦~

已經喺兩寶媽嘅我，喺選購鴨嘴杯都有小小心得可以分享：

*鴨嘴杯喺BB每日都會接觸嘅物品，所以材質我非常在意，一定唔可以含有害成分，
例如BPA（雙酚A）。

*另外，要睇睇設計嘅舒適度，要選擇適合BB使用嘅質料，
我以前都買過有啲鴨嘴杯喺用硬膠做，難吸吮之餘亦都不太舒適。

*仲有，防漏真喺好重要好重要，無理由BB一邊飲，啲水就一邊流曬出嚟嘛~
其實坊間都有唔少聲稱係防漏杯，但真係要買過用過先知~~

*最後一樣，就係容唔容易拆開清洗，或者可唔可以放落消毒機消毒？
始終BB年紀好細，抵抗力亦都唔夠，日常清潔消毒都好重要！

當日我選擇買呢款嘅其中一個原因，喺佢保證唔會漏水，結果我返去即刻試，
效果好令人滿意，係堅唔漏水！！
而且飲嘴柔軟，容易吸吮，唔錯唔錯~

配件亦都可以拆出清洗，幾鐘意呢款有密封式杯蓋，可以方便帶出街之餘亦可保持飲嘴乾淨衛生。

而呢款學習杯所有配件都可以用奶瓶消毒機消毒，用起上嚟都覺得安心又放心~~