【嬰幼兒好物推介-4合1嬰兒食品處理器】

細佬已經踏入要食固體食物一段時間啦~~~

身為兩寶媽嘅我，平時接送允允返學放學，又要買餸煮飯，

時間真係唔夠用，所以細佬仔嘅副食我都會用多功能蒸煮機去處理，

上次買飲水杯嘅時候都買埋部多功能蒸煮機~~

貪佢方便快捷，基本上切好材料放入機，輕輕鬆鬆就可以用到蒸煮同埋攪拌嘅功能

細佬仔今餐好豐富，準備咗薯仔、南瓜同埋雞柳，

將佢啲洗乾凈、切粒，就可以直接放入蒸煮機入面

之後就可以加水進行蒸煮功能啦~~

因為我今次有加肉類，蒸煮時間會長小小~~所以就加200ml水蒸20分鐘就可以！

調較到20分鐘就可以慢慢等佢自己蒸煮啦~~~

不得不提佢嘅蒸煮技術，

能夠確保食材均勻受熱，精華同質感都會保存到，讚啊！

最最最方便又好用一點就係佢嘅攪拌功能，

蒸好之後直接將反轉個攪拌瓶就已經可以進行攪拌功能，

係超方便！

簡簡單單嘅南瓜薯蓉雞柳就完成……..

加落飯仔，粥仔或者星星粉俾細佬食都好正~~~~

每次我都會整定多小小，可以留多一兩餐放雪櫃，

有時候真係好忙無時間整副食嘅時候，都唔驚細佬無野食！

我通常會直接用佢本身配嘅食物儲存盒去裝，

佢係防漏蓋之餘仲可以循環再用~~

加上佢本身都係專為呢部4合1蒸煮機而設，

所以平時直接就可以將成盒放上機入面，

好快好輕易就解凍或者加熱啲副食品~~

哈哈……其實連爸爸都大讚呢部機！只係一部機，但已經有四個功能，包括蒸煮、攪拌、加熱同解凍都有~由BB 六個月開始加固，整果蓉蔬菜蓉.....到後期蒸煮肉類蔬菜都得~好簡單方便就可以自家製作到營養食物，而且過程乾淨衛生，所以對於少入廚嘅爸爸嚟講都好容易.....

允允生日快樂

唔經唔覺允允已經3歲🎉
由小BB到依家係個大哥哥~
開始返學..開始有自己的朋友...
開始越來越有主見.....
感覺你真的長大了。

你說想開生日會~
你說喜歡美國隊長~
你說想邀請你的朋友~
你說想要士多啤梨蛋糕~

看見你那可愛的笑容，
爸媽心都甜～～
希望你開開心心⋯
身體健康⋯
祝允允生日快樂🎂🎈🎊🎉

齊來關懷早產嬰兒

轉眼間已經成為兩個小寶嘅媽媽……感覺有啲不可思議~

每次諗返起當初，總會眼濕濕~有好多好多嘅感觸….

記得陀住允允同細佬嘅時候，自己身體都唔好，

果陣時每個月要抽血驗血，要食藥，而且害喜情況都好嚴重，

每日狂嘔足足嘔咗4個月~

雖然自己好辛苦，但心內面唯一嘅希望都係想BB健康出世。

作為過來人都會知道，照顧初生BB唔容易，

對住一個小生命，連幫BB沖涼好似咁簡單嘅事，都已經令人緊張到不得了。

當照顧初生都已經咁辛苦，你有無諗過如果係照顧早產BB會點？

我自己好幸運，兩個小朋友都係足月出世，

但每次睇相見到啲早產BB咁細粒，插滿喉真係好心痛！

而且我身邊正正有朋友嘅BB係早產出世，佢哋連食奶都比一般足月BB要花更多時間，每次聽佢分享照顧BB嘅點滴都替佢辛苦。

早產BB其實係指未夠37周就出世，腦部同身體發展未成熟

而我知道最近有一個平台係全方位支援早產嬰兒， 叫做「親‧早‧啟動 ─ 早產嬰幼兒親子支援計劃」

呢個計劃係由協康會主辦、美贊臣社區關懷計劃贊助，

係全港首個最全面支援早產BB嘅平台，提供好齊全嘅資訊及專家貼士，只需瀏覽一個網站就搵齊所需嘅資訊。

仲會舉行一系列嘅講座同家居訓練課程，

網站入面有協康會物理治療師團隊提供專業嘅家居訓練短片，同，

有一個咁全面嘅資訊地方，可以為早產BB父母帶來好多有用嘅學習資料，更加可以減輕媽媽們嘅擔憂。

而且每年11月17日係【世界早產日】，目的係想喚起公眾關注早產問題。

想了解更多這個計劃，可瀏覽http://www.heephong.org/webprod/cht/sponsor/about

我相信每一位早產兒媽媽嘅心情都一樣，十分期待自己孩子嘅到來，但從來唔會想到係嚟得咁快，快到超出自己嘅預期，當中果種徬徨、無助，或者我哋未必可以感受到。正所謂【養兒一百歲，長憂九十九】，父母對孩子嘅愛係無保留、無條件、無私。育兒之路並唔簡單，各位媽媽唔好氣餒，要加油呀！

#親早啟動 #早產兒 #愛相伴 #協康會 #美贊臣社區關懷計劃