萬聖節cookies

雖然整得唔靚🙈好似變咗唔開心樣😅
不過萬聖節就應節一下🎃👻
整俾允允帶返學校送俾同學仔🍪

包包~

包🍞全部都係包🍞🍞

自己整包除咗健康啲，
仲可以落足料~~~
芝士滿到瀉嘅脆皮芝士包🧀
提子造型嘅提子包包🍇🍞

主題樂園playgroup之旅

真估唔到連香港海洋公園 Ocean Park Hong Kong都有舉辦playgroup~~
今次同幾個朋友仔一齊去上堂去玩!
官方網站提及內容都好多元化，
聽說還有餵飼動物環節，
本來好期待可以餵動物～
不過原來每次內容都唔一樣⋯
今次就有些小失望🙈

總括來講都不錯，眼見小朋友都玩得開心同投入

☺️

☺️

曲奇茶點

今日整曲奇俾允允帶返學做茶點🍪
成屋曲奇味好香🤤

自從返咗學，覺得允允乖咗聽話咗~
講嘢都叻咗好多～～
見我整緊曲奇，會成日提我
👦🏻媽咪，小心好熱架，唔好辣親手
👦🏻媽咪，小心啲啊，唔好跌晒落地

感覺允允真係又長大咗

☺️

小寶寶一歲

我家小寶寶一歲啦🎉🎊🎈

正日生日就在家舉辦個小派對👑
必備媽媽牌生日蛋糕仔🎂
簡單又好適合BB食的蘋果小蛋糕~
包含著媽媽無限的愛💕💕
祝願小寶健康快樂，同哥哥相親相愛

👨‍👩‍👦‍👦

三色藜麥薯餅

自開學以嚟，允允就每個星期都病😢
可憐豬仔每次都好快傳染俾細佬🤦🏻‍♀️
兩兄弟唔舒服，連帶胃口都變差~~
特別係哥哥餐餐都食兩啖就唔食，
真係無曬辦法😭
今日見佢哋都好返好多，
花啲小心思整薯餅俾佢哋做晚餐，
材料超級豐富的！
加埋三色藜麥，口感更豐富更健康😆
估唔到超合兩兄弟口味~~~~
細佬仔食咗5大個😱哥哥都食咗7個😱😱
仲不停話真係好好食😂食唔停😏
做媽的最滿足莫過於此

✌🏻

Heinz baby之開箱文！

講起嬰幼兒品牌，Heinz Baby應該係無人不識~~~~

它的意粉系列尤其係我的大愛，

唔單止造型可愛得意，

細細粒又容易入口~

最重要係成分天然，無添加糖、鹽、防腐劑等等~

俾允允同細佬食都好安心~

唔經唔覺細佬仔都10個月啦....

食固進度良好，

不過成日食粥仔都食到悶～
最近開始配搭多啲唔同食材食物俾佢，
今次原汁原味用三大個鮮蕃茄煮肉醬，
夠曬濃夠曬香~~~~~
配埋細細粒又得意嘅星星粉，
見到都胃口大開啊！

材料超級豐富.......

有菜有肉，

營養滿分架！

做法都好簡單添.....

用3大個番茄，原汁原味，

滿滿一鍋番茄肉醬話咁快就完成！

加埋啲星星紅蘿蔔簡單裝飾下，

又簡單又好味.....

細佬同允允都好捧場哈哈...

每一啖都有濃濃嘅醬汁同星星粉~

啖啖好滋味！

鮮茄意大利肉醬星星粉（10M+）

材料：

1.蕃茄三個
2.洋蔥半個
3.蘑菇三粒
4.免治牛肉150g
5.星星粉適量

做法:

1.蕃茄、洋蔥、蘑菇等材料切粒備用
2.星星粉滾水煮熟後撈起備用
3.先起油鍋燒熱，加入洋蔥炒香，隨後加上蘑菇和牛肉炒均勻
4.加入蕃茄煮至成蕃茄肉醬
(蕃茄煮的過程會出水，細火加蓋煮成蕃茄醬即可)
5.把煮好的星星粉加入肉醬拌勻即可

講起Heinz嘅BB產品，又點少得好出名嘅牙仔餅！

細佬仔依家出緊3隻牙仔，

成日發牙痕~口水又勁多～～～
之前都有自己整牙仔餅俾佢，
不過搬咗屋又未買新焗爐呢段時間就整唔到~
買開HEINZ呢隻牙仔餅好好，
最鐘意佢夠硬又耐磨，最緊要係唔容易咬斷！
加上成份無蛋無糖又無防腐劑，
俾BB食都可以好安心~

最後最後仲有Heinz嘅白醋，

相信大家平時煮野就用得多~

其實仲有好多神奇用法架！

話說～～我家洗衣有個秘密武器，

就係白醋喇！
其實每次洗衫我都會落白醋代替柔順劑，
(大概一杯仔)
環保之餘仲可以防霉去臭汗味，
特別夏天容易出汗，啲衫有時真係好鬼臭

放心~~~~~洗完啲衫唔會有醋味！！

真係名副其實係主婦必備之物！