Heinz baby之開箱文！

講起嬰幼兒品牌，Heinz Baby應該係無人不識~~~~

它的意粉系列尤其係我的大愛，

唔單止造型可愛得意，

細細粒又容易入口~

最重要係成分天然，無添加糖、鹽、防腐劑等等~

俾允允同細佬食都好安心~

唔經唔覺細佬仔都10個月啦....

食固進度良好，

不過成日食粥仔都食到悶～
最近開始配搭多啲唔同食材食物俾佢，
今次原汁原味用三大個鮮蕃茄煮肉醬，
夠曬濃夠曬香~~~~~
配埋細細粒又得意嘅星星粉，
見到都胃口大開啊！

材料超級豐富.......

有菜有肉，

營養滿分架！

做法都好簡單添.....

用3大個番茄，原汁原味，

滿滿一鍋番茄肉醬話咁快就完成！

加埋啲星星紅蘿蔔簡單裝飾下，

又簡單又好味.....

細佬同允允都好捧場哈哈...

每一啖都有濃濃嘅醬汁同星星粉~

啖啖好滋味！

鮮茄意大利肉醬星星粉（10M+）

材料：

1.蕃茄三個
2.洋蔥半個
3.蘑菇三粒
4.免治牛肉150g
5.星星粉適量

做法:

1.蕃茄、洋蔥、蘑菇等材料切粒備用
2.星星粉滾水煮熟後撈起備用
3.先起油鍋燒熱，加入洋蔥炒香，隨後加上蘑菇和牛肉炒均勻
4.加入蕃茄煮至成蕃茄肉醬
(蕃茄煮的過程會出水，細火加蓋煮成蕃茄醬即可)
5.把煮好的星星粉加入肉醬拌勻即可

講起Heinz嘅BB產品，又點少得好出名嘅牙仔餅！

細佬仔依家出緊3隻牙仔，

成日發牙痕~口水又勁多～～～
之前都有自己整牙仔餅俾佢，
不過搬咗屋又未買新焗爐呢段時間就整唔到~
買開HEINZ呢隻牙仔餅好好，
最鐘意佢夠硬又耐磨，最緊要係唔容易咬斷！
加上成份無蛋無糖又無防腐劑，
俾BB食都可以好安心~

最後最後仲有Heinz嘅白醋，

相信大家平時煮野就用得多~

其實仲有好多神奇用法架！

話說～～我家洗衣有個秘密武器，

就係白醋喇！
其實每次洗衫我都會落白醋代替柔順劑，
(大概一杯仔)
環保之餘仲可以防霉去臭汗味，
特別夏天容易出汗，啲衫有時真係好鬼臭

放心~~~~~洗完啲衫唔會有醋味！！

真係名副其實係主婦必備之物！

【BB展全攻略之美贊臣超正禮品優惠篇】

媽媽我向來係BB展嘅常客.....
由陀住允允開始到宜家，幾乎每年都會去....
而且必行係每年荷花BB展，因為規模大、攤位多....不過人都超多！！
所以一定要做足準備.....
例如係想買平靚正筍野、定係主力想拎贈品~~~

今次荷花BB展係一如既往超級多野行！
媽媽我都一早格定價同埋寫定要買咩，
咁就萬無一失啦~~~~

除咗買野之外，BB展另一重頭戲一定係攞贈品~哈哈.....
要知道每次BB展各大品牌都會有不同入會禮物攞，
大多數都離不開小毛巾/環保袋等等.....
不過要數今次最吸引禮品，一定係非美贊臣（A05號攤位）莫屬~
而且好豐富好實用添啊！
即場登記加入美贊臣會，就首先可以拎到購物袋同精美嘅禮品~

其次就係可以拎到呢張咁實用嘅BB充氣學習座椅~

返到屋企緊係即刻俾細佬仔試坐，張學習座椅好厚實又夠大而且好穩，

你睇細佬仔坐得幾舒服~~~~

係咪好吸引，好想要先？

記得加入【美贊臣會】A05號攤位，就可以即場得到架啦~

不過現場超級多人排隊！

建議大家一定要上網預先登記，咁就可以省返好多排隊時間！

等等先~~~~~
攞完學習椅記得順手玩埋美贊臣現場電子遊戲啊，
只要完成遊戲就可以得到美贊臣X natures purest口水肩一塊，
有用開natures purest產品都一定知道呢個品牌嘅物料係好舒服！
今次只要玩遊戲就可以免費攞走，真係超級正啊~~~

仲有仲有！媽媽我行BB展嘅時候，仲留意到一啲美贊臣嘅場內優惠~原來係BB展期間，係指定嘅零售鋪頭攤位，買滿$1000美贊臣嘅指定產品（唔包括初生嬰兒1號奶粉，親舒系列同安嬰媽媽），就會送以下禮物一款！屋企嘅大小BB知道的話一定會好鐘意！除此之外，買美贊臣安嬰媽媽900克/Enfinitas媽媽藻油DHA仲有半價優惠啊！

其實每年BB展貨品種類非常多，優惠更加數之不盡！
想快狠準買到心頭好？
媽媽我都有D小tips分享俾大家~~

→首先一定要熟讀BB展優惠詳情~
（http://www.eugenegroup.com.hk/expo/201708/）
睇定有D咩優惠筍野同埋各品牌入會優惠等等，
咁就唔怕錯過任何正野筍野啦~~~~

→仲有就係要預先印定【個人資料貼紙】，
通常入會攞禮物都必定要填個人同BB資料，
所以預先印定貼子絕對可以節省好多填寫資料時間，
咁就可以有更多時間去購物啦~~

→通常BB展都為期幾日，
大家記得要夠早去！
通常午飯後人流會比較多，
想行得輕鬆D就盡可能BB展一開門就入場啦~
以過往經驗，某些品牌送的入會禮物都好吸引~
亦都會好快就派曬，所以記得早D去排隊攞禮物啦~

想知道多啲美贊臣BB展嘅優惠詳情，大家不妨去以下網址了解下啊~
http://www.meadjohnson.com.hk/bbexpo2017

#美贊臣 #美贊臣會 #去BB展做足準備 #愛是一起成長一直相伴
#BB充氣學習座椅 #BB展A05攤位見

Philips AVENT「伙頭爸B 心思『煮』意」工作坊

早前應Philips AVENT邀請，出席「伙頭爸B 心思『煮』意」工作坊 活動~
活動當日有星級名廚Christian Yang (楊尚友)，示範一系列有營養又好味的大師料理，
重點嚟啦！今次活動主角系一眾爸爸們，由爸爸變身成為大廚~
親身試用呢部BB煮食界神器-4合1嬰兒食品處理器！

大廚即場教爸爸們如何用Philips AVENT4合1嬰兒食品處理器快靚正咁煮有營又好味嘅BB餐，

細佬仔都係主角之一~~~負責監察爸爸......仲好留心聽大廚講解添哈哈。

睇完示範就緊係要自己落手試整啦....
估唔到平時零入廚嘅爸爸都整得有板有眼，
似乎一邊咩住細佬，一邊整都難唔到爸爸哦.....

好快手就搞掂啦....連爸爸都大贊呢部機，機身輕巧，但功能十分齊全~有齊蒸煮、攪拌、加熱及解凍功能，由BB 六個月開始加固，整果蓉蔬菜蓉.....到後期蒸煮肉類蔬菜都得~好簡單方便就可以自家製作到營養食物，而且過程乾淨衛生，就算對於少入廚嘅爸爸們來講都好容易.....

登登登登~~~~~爸爸的傑作！係咪好得意呢........

估唔到爸爸對於擺盤都有D天分哈哈~

唔係得BB受惠架，媽媽都有份~

大廚仲教爸爸們整埋甜品添.......

呢份都算係爸爸親手整俾我嘅第一份甜品.....

有星級大廚教路，味道緊係正啦！

最感動係爸爸落足心機去擺盤.......成品真系好靚~

媽媽我唔洗食，心都甜曬啦~

果日仲有電視藝人張頴康、麥雅緻同佢地囡囡小豆都出席左呢個活動呀！你都可以click入條link睇番當日嘅花絮架>>>>>>
https://www.facebook.com/angiemakaylacheungwinghong/videos/1763545573937544/

嬰幼兒副食品>牛油果香蕉燕麥春卷

<牛油果香蕉燕麥春卷>

外面脆卜卜~內面香甜軟滑~

加埋燕麥，又健康又好味

要令你家小朋友愛上食牛油果其實好簡單

牛油果有益係人都知~

更加列入我家常備生果之一

基本上每日都會同允允食一個~

不過好多人未必鍾意牛油果嘅味道⋯

其實只要加啲變化，

牛油果都會令你食到停唔到口

材料:

1.牛油果半個

2.香蕉一條

3.快熟燕麥20G

4.春卷皮7塊

做法:

1.將牛油果和香蕉打成蓉

2.把快熟燕麥片與果蓉拌匀

3.取一塊春卷皮放上適量的果蓉包成條狀

4.預熱焗爐180度焗8-10分鐘

 #avocado #FoodwiseHK #Otelia #Oatmeal #Healthydiet

https://www.facebook.com/wanhimmama/posts/1985061135056181:0

天然有機の嬰兒用品篇-natures purest

最近實在太多朋友陸續有喜，前幾日仲有位好友榮升靚媽，順利誕下可愛B女添！
遲少少會帶埋允允去探BB，當然禮物一定小不了！
所以最近就帶允允一齊去旺角MOKO商場選購BB禮物

講到BB用品我一定首選天然有機既natures purest~~我最愛它家的衫仔，被袋~真系好舒服架！！
允允同細佬由出世就著它家的衫仔到宜家，仲有被袋啊~口水肩啊被仔啊都系~名副其實既忠實粉絲~~
允媽喜歡它家的產品不單是全棉，而且不含染料，螢光增白劑等化學成分，更不含有害殺蟲劑，農藥，重金屬及甲醛~仲有仲有獲贈OEKO-Tex 100第一級認證及GOTS有機認證添架！！

它家款式簡單舒服，物料又好適合初生BB既肌膚

允允真系好認真幫BB選購禮物哈哈~~

而且它家真的好用心，擺滿大大小小既禮盒，好適合有選擇困難既媽媽啊~

當我煩緊買咩好既時候，店鋪姐姐仲介紹我一個叫【寶寶禮物認購】既網上服務~
其實就係一個有齊曬初生寶寶所需既用品清單，方便準爸媽預備BB野之餘，仲可以分享俾親戚朋友，其實.......雖然卑個禮物LIST朋友會覺得尷尬~~~不過...............真係好好用架~
起碼唔會驚朋友買到重覆或者自己唔適合用嘛~~~~

登入過程好簡單添架~只要登入 www.naturespurest.com.hk/baby-registry ,
就可以睇曬所有系列產品架~

原來會有網上專享購物折扣同獨家禮遇架~記得儲存好你既禮物清單之後~就用FACEBOOK、EMAIL、GOOGLE或者TWITTER分享俾朋友啊；）

有無住元朗既媽媽架？

嚟緊7月會有間新分店開啊~

喜歡這品牌又住新界的話要密切留意啦~~~

美贊臣™PLATINUM天然．營養體驗坊

過去既星期日同允允其中一樣嘅
親子活動就係去參加【美贊臣™PLATINUM天然．營養體驗坊】，

一向都知道美贊臣A+系列的產品均為非基因改造、無添加成長激素 ，

而今次全新推出嘅PLATINUM系列更加系純天然，無添加配方奶粉，

當中嘅DHA Brainergy 360°支持寶寶的全面腦部發育，
另外含有天然乳脂球膜 (MFGM)，有助提高認知能力同促進快速嘅神經訊息傳遞，
更配有Purity Protection純淨保營技術，確保產品內的重要營養素保持純淨及妥善保存，
無論係奶源抑或係營養方面，呢款全新奶粉基本上符合曬普遍媽媽為BB選擇奶粉嘅重要考慮點呢~~~

活動現場可以即場試飲，仲有用該奶粉整既滑滑布丁~

呢款奶粉真心系好好飲~完全系無奶酥味，好易入口....

最重要系一D都唔甜！

我家吃貨允允都食得好滋味哈哈~~~

食飽飽就嚟到今日重點之一，就係整再造紙啦~

好難得有機會同允允一齊做做小勞作，真的好享受這種親子體驗。

其實小朋友好簡單，陪伴他一起去感受生活上大大小小既自然生活，

比他們一個無添加健康又快樂環境是最重要既！

允允相當享受呢.......每個步驟都要同媽咪一齊去完成~

哈哈~製成品完成啦~~~

提提各位爹地媽咪，會場會有獨家既訂購優惠架~
如果有興趣記住把握最後機會啦~
嚟緊5月27，28號同埋6月3號可以去銅鑼灣怡東酒店會場享用即時優惠！

【獨家即場訂購禮遇】
現場購買HK$2,000美贊臣奶粉現金券 (適用於美贊臣A+、親舒系列或PLATINUM系列，不包括1號初生嬰兒奶粉、安嬰媽媽及Enfinitas系列)，即賞HK$400萬寧或屈臣氏現金券 及 免費直送全新美贊臣安兒寶PLATINUM (3階段) 900克2罐到您的家中 (總值約HK$1,000)

#美贊臣PLATINUM #PLATINUM天然營養體驗坊 #感受天然 #非基因改造 #無添加生活 #LessforMore

【自家制包包】紫薯麵包-麵包機做法

準備好聽日允允早餐啦
新鮮出爐紫薯包包
減油減鹽減糖配方，
一樣好香好鬆軟
之前成日覺得麵包要手搓先好食，
不過有小朋友的日子實在是忙得很，
但街外的麵包始終太多添加劑，
還是自己做的比較天然健康一些。

好多媽媽問我用什麼品牌的麵包機~
其實就是P牌的106型號，
用了很久了，覺得不錯~
做出來的麵包口感都很好~

材料：

1.高筋麵粉-250g
2.牛油-10g
3.黑糖-10g
4.鹽-2g
5.鮮牛奶-190ml
6.紫薯粉-50g
7.即溶酵母-2.8~3g

做法：

1.麵粉-紫薯粉-牛油-糖-鹽按順序放入麵包容器內
2.沿著邊邊倒入牛奶
3.酵母放入酵母容器內
4.選用軟式麵包模式

*允媽媽做麵包不是專業人士，但都有點小小心得，
關於天氣問題-像現在天氣熱，我都會直接用凍水/凍牛奶做麵包~
如果天氣比較冷的話，我就會用暖水/暖牛奶
*用過不同牌子的麵粉~覺得日本麵粉做出來會比較鬆軟好吃
（隔天都不會變硬）